សម្រាប់ឈ្មួញចែកចាយបោះដុំតូចធំ និងអ្នកលក់ទុរេនខ្វះគុណធម៌មួយចំនួន ក៏បាននឹងកំពុងប៉ះពាល់ដល់ ទុរេនកម្ពុជា ដោយការលក់បន្លំជូនអតិថិជន និងបន្ទាបគុណតម្លៃ និងតម្លៃទុរេនខ្មែរ។

ដូចបានរៀបរាប់បញ្ហាខាងលើ ស្តេចទុរេន បង្កើតឡើង ក្នុងឆន្ទះ និងគោលបំណង៖​

១. អប់រំប្រជាពលរដ្ឋខ្មែរ និងពិភពលោក អោយបានយល់ពីគុណតម្លៃ និងវិស័យទុរេនខ្មែរ។

២. ព្យាយាមអោយអស់ពីលទ្ធភាព លក់ទុរេនខ្មែរដែលធានាបាននូវគុណភាព សុវត្ថិភាព និងទំនួលខុសត្រូវ ដល់អ្នកនិយមហូបទុរេនខ្មែរ ជាមួយតម្លៃសមរម្យបំផុត។

៣. បង្កើតទីផ្សារសម្រាប់កសិករ ម្ចាស់ចម្ការទុរេន ជាមួយតម្លៃមួយសមរម្យ និងស្ថេរភាពតម្រូវការ។

៤. ធ្វើអោយពិភពលោកងាកមកចាប់អារម្មណ៍ និងអោយតម្លៃទុរេនខ្មែរដ៏អស្ចារ្យ។ បន្ទាប់មក នាំចេញទុរេនកម្ពុជាទៅកាន់ទីផ្សារពិភពលោក។

៥. បន្ទាប់ពីជោគជ័យជាមួយទុរេនហើយ យើងជឿថានឹងអាចជួយផ្សព្វផ្សាយ និងស្វែងរកទីផ្សារផលិតផលខ្មែរផ្សេងៗទៀត ដែលតែងជួបបញ្ហា។

ខ្ញុំជឿថាយើងនឹងសម្រេចបាននូវគោលបំណងខាងលើដើម្បីជាឧត្តមប្រយោជន៍រួមសម្រាប់វិស័យ ទុរេន តែកិច្ចការងារដ៏គួរជាទីមោទនភាពនេះតម្រូវអោយមានការចូលរួមពីភាគីដែលពាក់ព័ន្ធប្រកប ដោយគុណធម៌ ទំនួលខុសត្រូវ និងឆន្ទះខ្ពស់ រាប់ពីកសិករដាំដុះ អ្នកលក់ចែកចាយ ជាពិសេស អ្នកបរិភោគ ព្រមទាំងការសម្រួលគាំទ្រពីសំណាក់រាជរដ្ឋាភិបាល និងដៃគូរអភិវឌ្ឍនានាផងដែរ។